கிளிநொச்சி மாவட்டத்தில், மகளிர் மற்றும் சிறுவர் அலுவல்கள் அமைச்சின் ‘வாழ்வுக்கு பலம்’ திட்டத்தின் கீழ், 15 பேருக்கு வீட்டுத்திட்டத்திற்கான காசோலைகள் வழங்கப்பட்டுள்ளன.
இதற்கமைய, 20 இலட்சம் ரூபா பெறுமதியான உதவித்தொகை வழங்கும் நிகழ்வு இன்று நடைபெற்றது. கரைச்சி பிரதேச செயலாளர் பிரிவில் 11 பேருக்கும், பூநகரி பிரதேச செயலாளர் பிரிவில் நான்கு பேருக்கும் காசோலைகள் வழங்கப்பட்டன.
சிறுவர் அபிவிருத்தி நிலையங்கள் மற்றும் காப்பகங்களிலிருந்து வெளியேறி 18 வயதைப் பூர்த்தி செய்து சமூகத்துடன் இணையும் இளைஞர், யுவதிகள் உள்ளிட்ட பாதிக்கப்படக்கூடியவர்களுக்கு ஆதரவளிக்கும் நோக்கில் இத்திட்டம் முன்னெடுக்கப்படுகிறது.
நிகழ்வில் உதவி மாவட்ட செயலாளர் எச். சத்தியஜீவிதா உள்ளிட்ட அரச அதிகாரிகள் கலந்துகொண்டு பயனாளிகளுக்குக் காசோலைகளை வழங்கி வைத்தனர்.
