டொராண்டோ நகரில் 2028ஆம் ஆண்டு ஓட்டுநரில்லாத டேக்சி சேவையை அறிமுகப்படுத்த வேமோ நிறுவனம் திட்டமிட்டுள்ள நிலையில், இதனால் ஆயிரக்கணக்கான டேக்சி மற்றும் பயணப் பகிர்வு ஓட்டுநர்களின் வேலைவாய்ப்பு பாதிக்கப்படலாம் என்ற கவலை எழுந்துள்ளது.
தற்போது டொராண்டோவில் ஊபர், லிஃப்ட் உள்ளிட்ட சேவைகளில் ஏராளமான ஓட்டுநர்கள் பணியாற்றி வருகின்றனர். இந்நிலையில், தானியங்கி வாகனங்கள் சந்தையில் அறிமுகமானால் தங்களுக்குக் கிடைக்கும் பயணங்களும் வருமானமும் குறையலாம் என ஓட்டுநர்கள் அச்சம் தெரிவித்துள்ளனர்.
எனினும், வாகனப் பராமரிப்பு, வாடிக்கையாளர் சேவை உள்ளிட்ட பணிகளுக்காக உள்ளூரில் நூற்றுக்கணக்கானோருக்கு வேலைவாய்ப்பு வழங்கத் திட்டமிட்டுள்ளதாக வேமோ நிறுவனம் தெரிவித்துள்ளது.
இதற்கிடையில், ஓட்டுநரில்லாத வாகனங்களின் சோதனை மற்றும் சேவை விரிவாக்கத்திற்கு ஒன்ராறியோ மாகாணத்தின் பாதுகாப்பு மற்றும் செயல்பாட்டு அனுமதிகள் அவசியமாகும்.
மேலும் தொழிலாளர்களுக்கான வேலைவாய்ப்புத் திட்டமும் பரிசீலிக்கப்படும் என மாகாண அரசு தெரிவித்துள்ளது.
