முன்னாள் அமைச்சர் விமல் வீரவன்சவை எதிர்வரும் நவம்பர் மாதம் 30ஆம் திகதி நீதிமன்றத்தில் ஆஜராகி தனது தரப்பு வாதங்களை முன்வைக்குமாறு, மேல்முறையீட்டு நீதிமன்றம் மீண்டும் அறிவித்தல் விடுத்துள்ளது.
நீதிமன்ற அவமதிப்பு குற்றச்சாட்டு தொடர்பாக, கொழும்பு பிரதான நீதவான் நீதிமன்றத்தினால் தாக்கல் செய்யப்பட்டுள்ள முறைப்பாடு தொடர்பிலேயே இந்த அறிவித்தல் விடுக்கப்பட்டுள்ளது.
முன்னாள் அமைச்சர் விமல் வீரவன்ச தெரிவித்த சர்ச்சைக்குரிய கருத்தொன்று நீதிமன்ற அவமதிப்புக்கு இணையானது எனக் கூறப்பட்டதைத் தொடர்ந்து இந்த முறைப்பாடு தாக்கல் செய்யப்பட்டது.
இந்த முறைப்பாட்டைப் பரிசீலித்த மேல்முறையீட்டு நீதிமன்றம், ஏற்கனவே விமல் வீரவன்சவை நீதிமன்றத்தில் ஆஜராகுமாறு அறிவித்திருந்தது.
எனினும், அவர் குறிப்பிட்ட தினத்தில் நீதிமன்றத்தில் ஆஜராகத் தவறியதைத் தொடர்ந்து, எதிர்வரும் நவம்பர் 30ஆம் திகதி மீண்டும் நீதிமன்றத்தில் ஆஜராகி தனது தரப்பு விளக்கங்களையும் வாதங்களையும் முன்வைக்குமாறு நீதிமன்றம் உத்தரவிட்டுள்ளது.











