இந்திய அரசு, வரவிருக்கும் பண்டிகைக் காலத்தில் சர்க்கரையின் விலையைக் கட்டுக்குள் வைத்திருக்கவும், சந்தையில் போதுமான அளவு விநியோகத்தை உறுதி செய்யவும் நடவடிக்கை எடுக்குமாறு சர்க்கரை ஆலைகளுக்கு அறிவுறுத்தியுள்ளது.
பண்டிகைக் காலங்களில் இந்தியாவில் சர்க்கரைக்கான தேவை வழக்கத்தை விட கணிசமாக அதிகரிக்கும் எனக் எதிர்பார்க்கப்படும் நிலையில், சந்தையில் சர்க்கரைத் தட்டுப்பாடு ஏற்படுவதைத் தவிர்க்கும் நோக்கில் இந்த உத்தரவு பிறப்பிக்கப்பட்டுள்ளது.
உள்நாட்டுச் சந்தையில் போதுமான அளவுக்குச் சர்க்கரை இருப்பதை உறுதி செய்வதன் மூலம் விலையேற்றத்தைக் கட்டுப்படுத்த முடியும் என அரசு நம்புவதாகவும் இதற்காகச் சர்க்கரை ஆலைகள் தங்களின் இருப்பை முறையாக மேலாண்மை செய்து, சந்தைக்குத் தேவையான அளவை தடையின்றி விநியோகிக்க வேண்டும் எனவும் வலியுறுத்தப்பட்டுள்ளது.
அத்துடன், சர்க்கரையின் விலை நிலவரம் மற்றும் இருப்புத் தரவுகளை அரசு தொடர்ந்து கண்காணித்து வருவதாகவும், நுகர்வோருக்குப் பாதிப்பு ஏற்படாத வகையில் விலையை நிலையாக வைத்திருப்பதே இதன் முதன்மை நோக்கம் என்றும் தெரிவிக்கப்பட்டுள்ளது.
