திரைப்பட போஸ்டர்கள் மற்றும் விளம்பர டிசைன்களைப் புதுமையான பாணியில் உருவாக்கி சினிமா உலகில் தனக்கெனத் தனிமுத்திரையைப் பதித்த முன்னணி போஸ்டர் வடிவமைப்பாளர் கோபி பிரசன்னா (Gopi Prasannaa), சர்வதேச கலைக் கண்காட்சி ஒன்றில் சிறப்பு விருந்தினராகப் பங்கேற்று சிறப்பித்துள்ளார்.
‘மிரர் ஆஃப் தி சிட்டி’ (Mirror of the City) எனும் தலைப்பில் சர்வதேச அளவில் நடைபெற்ற கலைக் கண்காட்சியிலேயே இவர் சிறப்பு அழைப்பாளராகக் கலந்துகொண்டார்.
திரைப்படப் பிரசாரங்களை கலைநயத்துடனும் நுட்பமான கருத்துச் செறிவோடும் மக்களிடம் கொண்டு சேர்ப்பதில் வல்லவரான கோபி பிரசன்னா, தமிழ் சினிமாத்துறையில் பல முன்னணித் திரைப்படங்களின் ஃபர்ஸ்ட் லுக் மற்றும் போஸ்டர் வடிவமைப்புகளுக்குப் பின்னால் நின்று முக்கிய பங்காற்றியவர் என்பது குறிப்பிடத்தக்கது.
இந்நிகழ்வில் கலந்துகொண்ட அவர், நவீன வடிவமைப்பு முறைகள், கலைப் படைப்புகள் மூலம் கதைகளை வெளிப்படுத்தும் நுட்பங்கள் மற்றும் சர்வதேச அளவில் வளர்ந்து வரும் டிஜிட்டல் கலைப் போக்குகள் குறித்தும் தனது அனுபவப் பகிர்வுகளை வழங்கினார்.
சர்வதேச அளவில் நடைபெற்ற இந்தக் கலைக் கண்காட்சியில் தென்னிந்தியத் திரைப்படத்துறையைச் சேர்ந்த ஒரு முன்னணி வடிவமைப்பாளர் சிறப்பு விருந்தினராகப் பங்கேற்றமை, சினிமா மற்றும் கலை ஆர்வலர்கள் மத்தியில் பெரும் கவனத்தையும் பாராட்டுகளையும் பெற்றுள்ளது.
