அமெரிக்காவின் 2026ஆம் ஆண்டுக்கான முக்கிய பாராளுமன்ற இடைக்காலத் தேர்தல்களில் பல மாநிலங்களில் வாக்குப்பதிவு ஆரம்பமாகியுள்ளது.
அமெரிக்காவின் அடுத்த பாராளுமன்றத்தின் அதிகாரச் சமநிலையைத் தீர்மானிக்கும் இந்தத் தேர்தலில், பிரதிநிதிகள் சபையின் 435 இடங்களுக்கும், செனட் சபையின் 35 இடங்களுக்கும், 36 மாநிலங்களின் ஆளுநர் பதவிகளுக்கும் தேர்தல் நடைபெறுகிறது.
ஜனாதிபதி டொனால்ட் ட்ரம்ப் தலைமையிலான குடியரசுக் கட்சி தற்போது இரு அவைகளிலும் கொண்டுள்ள பெரும்பான்மையைத் தக்கவைக்கப் போராடி வரும் நிலையில், ஜனநாயகக் கட்சி பெரும்பான்மையைப் பெறும் நோக்கில் போட்டியிடுகிறது
தேர்தலுக்கு முன்னதாக வெளியான Reuters/Ipsos கருத்துக்கணிப்பின்படி, வாக்காளர்களின் முக்கிய கவலைகளாக வாழ்க்கைச் செலவு அதிகரிப்பு, பொருளாதார நிலைமை, குடியேற்றப் பிரச்சினைகள் மற்றும் ஈரானுடனான போர் ஆகியவை காணப்படுகின்றன.
குறிப்பாக, 48 சதவீத பதிவு செய்யப்பட்ட வாக்காளர்கள் வாழ்க்கைச் செலவு அதிகரிப்பைத் தங்களது முக்கிய தேர்தல் பிரச்சினையாகக் குறிப்பிட்டுள்ளனர்.
மேலும், ஈரானுடனான அமெரிக்காவின் இராணுவ நடவடிக்கைகள் குறித்தும் வாக்காளர்களிடையே அதிருப்தி நிலவுவதாகக் கருத்துக்கணிப்பு தெரிவிக்கிறது.
இந்தத் தேர்தல் முடிவுகள் டொனால்ட் ட்ரம்பின் எஞ்சிய ஜனாதிபதி பதவிக்காலத்தில் அவரது அரசியல் மற்றும் நிர்வாக நடவடிக்கைகளில் முக்கிய தாக்கத்தை ஏற்படுத்தும் என எதிர்பார்க்கப்படுகிறது.
