யாழ்ப்பாணம், நெடுந்தீவு றோமன் கத்தோலிக்க மகளிர் கல்லூரியின் பரிசளிப்பு விழா நேற்றைய தினம் செவ்வாய்க்கிழமை நடைபெற்றது.
கல்லூரியின் மண்டபத்தில், நடைபெற்ற இவ்விழாவில், பிரதம விருந்தினராக கோப்பாய் ஆசிரியர் கலாசாலை அதிபர் செந்தமிழ்ச்சொல்லருவி சந்திரமௌலீசன் லலீசன் கலந்து கொண்டார் .
நிகழ்வின் ஆரம்பத்தில் விருந்தினர்கள் கௌரவிக்கப்பட்டு, கல்லூரி மாணவிகளின் மேற்கத்தேய இசைக்குழுவின் வாத்திய இசை முழங்க, விழா மண்டபத்திற்கு அழைத்துச் செல்லப்பட்டு பிரதான நிகழ்வுகள் ஆரம்பமாகின.
கல்லூரியின் கல்வி, கலை, கலாசார மற்றும் இணைப்பாடவிதானச் செயற்பாடுகளின் சிறப்புகளை வெளிப்படுத்தும் வகையில் நடைபெற்ற இவ்விழாவில் மாணவர்களின் கல்வி மற்றும் இதர செய்ற்பாடுகளையும் சாதனைகளையும் பாராட்டி கௌரவிக்கும் பரிசளிப்பு நிகழ்வும் இடம்பெற்றது.
