காலியின் உனவட்டுன பகுதியில் மேற்கொள்ளப்பட்ட பொலிஸ் சோதனையில், ஐஸ் மற்றும் குஷ் போதைப்பொருட்களுடன் 41 வயதுடைய ஒருவர் கைது செய்யப்பட்டுள்ளார்.
கடந்த நவம்பர் 10ஆம் திகதி இரவு, கிடைத்த இரகசியத் தகவலின் அடிப்படையில் காலி மாவட்ட குற்றப்பிரிவு அதிகாரிகள் இந்தச் சோதனை நடவடிக்கையை முன்னெடுத்துள்ளனர்.
இதன்போது சந்தேகநபரிடமிருந்து 134 கிராம் 18 மில்லிகிராம் ஐஸ் போதைப்பொருளும், 125 கிராம் 19 மில்லிகிராம் குஷ் போதைப்பொருளும் கைப்பற்றப்பட்டுள்ளன.
இதில் கைது செய்யப்பட்ட சந்தேகநபர் ஹபராதுவ பொலிஸ் நிலையத்தில் ஒப்படைக்கப்பட்டுள்ளதுடன், இது தொடர்பிலான மேலதிக விசாரணைகள் முன்னெடுக்கப்பட்டு வருகின்றன.
