அனைத்து அரசுத் திட்டங்கள் மற்றும் செயல்திட்டங்களின் பலன்கள் தகுதியுள்ள ஒவ்வொருவருக்கும் சென்றடைவதை உறுதி செய்யவும், சமூகத்தின் ஒட்டுமொத்த வளர்ச்சிக்காகப் பாடுபடவும் மத்திய அமைச்சர்கள் அனைவருக்கும் பிரதமர் நரேந்திர மோடி கோரிக்கை விடுத்துள்ளார்.
‘சிந்தன் ஷிவிர்’ (Chintan Shivir) கூட்டத்தின் போது, தலா எட்டு அமைச்சர்களைக் கொண்ட எட்டு குழுக்களுடன் பிரதமர் மோடி கலந்துரையாடலில் ஈடுபட்டார்.
இக்குழுக்கள் சுய செயல்திறனை மேம்படுத்துதல், திட்டங்களைச் செயல்படுத்துதல், திறம்பட்ட தகவல் தொடர்பு மற்றும் நம்பிக்கை அடிப்படையிலான ஆளுகை உள்ளிட்ட பல்வேறு முக்கிய விடயங்கள் குறித்து விரிவாக விவாதித்தன.
சேவா தீர்த்தத்தில் நடைபெற்ற இக்கலந்துரையாடல் அமர்வு கிட்டத்தட்ட ஐந்து மணி நேரம் வரை நீடித்ததாகத் தெரிவிக்கப்பட்டுள்ளது.
பிரதமர் ஒவ்வொரு குழுவுடனும் தனித்தனியாகச் சந்தித்து உரையாடியுள்ளார்.
இது குறித்து வெளியாகியுள்ள தகவல்களின்படி, பிரதமர் மோடி ஒவ்வொரு மேசைக்கும் நேரில் சென்று கலந்துரையாடலில் பங்கேற்றதுடன், அமைச்சர்களுக்குத் தேவையான ஆலோசனைகளையும் வழங்கியுள்ளார்.
அமைச்சர்கள் வியாழக்கிழமையான இன்றைய தினமும் இந்நிகழ்வை மீண்டும் தொடர்வார்கள் என எதிர்பார்க்கப்படுகிறது.
