யாழ்ப்பாணம் கொக்குவில் இந்துக் கல்லூரியில், இந்திய இராணுவத்தின் தாக்குதலில் உயிரிழந்த பொதுமக்களின் 39ஆவது ஆண்டு நினைவேந்தல் நிகழ்வு இன்று சனிக்கிழமை நடைபெற்றது.
கல்லூரி மைதான நுழைவாயிலுக்கு முன்பாகக் காலை 8 மணியளவில் நடைபெற்ற இந்த நிகழ்வில், உயிரிழந்தவர்களின் உறவினர்களும் அப்பகுதி மக்களும் கலந்துகொண்டு சுடரேற்றி, மலர்தூவி அஞ்சலி செலுத்தினர்.
1987ஆம் ஆண்டு ஒக்டோபர் 24ஆம் திகதி, இந்திய இராணுவத்துக்கும் விடுதலைப் புலிகளுக்கும் இடையிலான மோதல்கள் தீவிரமடைந்திருந்த காலப்பகுதியில், பாதுகாப்புத் தேடி கொக்குவில் இந்துக் கல்லூரியில் தஞ்சமடைந்திருந்த பொதுமக்கள் மீது பீரங்கித் தாக்குதல் நடத்தப்பட்டதாகத் தெரிவிக்கப்படுகிறது.
இந்தத் தாக்குதலில் ஐம்பதுக்கும் மேற்பட்ட பொதுமக்கள் உயிரிழந்ததாகக் கூறப்படுகிறது. உயிரிழந்தவர்களின் உடல்கள், அக்காலச் சூழ்நிலையில் ஒரே குழியில் அடக்கம் செய்யப்பட்டதாகவும் தெரிவிக்கப்பட்டுள்ளது.
படுகொலையில் உயிரிழந்தவர்களை நினைவுகூரும் வகையில் இந்த ஆண்டு நினைவேந்தல் நிகழ்வு இடம்பெற்றது.
