கியூபெக் மாகாண அரசு, மொன்றியால் நகரின் வடக்கே அமைந்துள்ள மாகாணத்தின் மிகப்பெரிய குப்பைக்கிடங்கான ‘டெரெபோன்’ (Terrebonne) வளாகத்தில், நிலப்பரப்பை விரிவாக்காமல் குப்பைகளை மேலும் உயரமாகக் குவித்து வைப்பதற்குத் தீர்மானித்துள்ளது.
இதற்கான தற்காலிக அவசரச் ‘செங்குத்து விரிவாக்க’ (Vertical Expansion) அனுமதியை கியூபெக் மாகாண அரசு, வழங்கியுள்ளது.
இதற்கான உத்தியோகபூர்வ அவசர ஆணையை (Decree) மாகாணத்தின் அதிகாரப்பூர்வ அரசிதழில் (Official Gazette) கியூபெக் மாகாண அரசு வெளியிட்டுள்ளது.
இதன் மூலம், அந்தக் குப்பைக்கிடங்கை இயக்கி வரும் ‘கம்ப்ளெக்ஸ் என்விரோ கனெக்ஷன்ஸ்’ (Complexe Enviro Connexions) நிறுவனம், குப்பைக்கிடங்கின் தற்போதைய நிலப்பரப்பை (Physical footprint) ஒரு அங்குலம் கூட விரிவாக்காமல், கூடுதலாக 1.2 மில்லியன் டன் குப்பைகளை செங்குத்தாக மேல்நோக்கி அடுக்கிக் கொள்ள அனுமதிக்கப்பட்டுள்ளது.
இந்த வளாகம் அடுத்த ஓராண்டுக்குள் தனது முழுக் கொள்ளளவை எட்டிவிடும் என்ற இக்கட்டான சூழ்நிலை நிலவி வந்த நிலையில், மொன்றியால் பெருநகரப் பிராந்தியத்தில் மாபெரும் கழிவு மேலாண்மைச் சிக்கல் ஏற்படுவதைத் தவிர்க்கவே இந்த அவசர முடிவு எடுக்கப்பட்டுள்ளது.
