மொன்றியல் (Montreal) நகரில் உள்ள மிக முக்கியமான போக்குவரத்துப் பாதையான மெட்ரோபொலிட்டன் அதிவேக நெடுஞ்சாலையின் (Metropolitan Expressway – Highway 40) கிழக்கு நோக்கிய பிரதான வழித்தடம், இந்த வார இறுதியில் முழுமையாக மூடப்படவுள்ளது.
எதிர்வரும் 10 ஆம் திகதி இரவு 11:30 முதல் 13 ஆம் திகதி அதிகாலை 5:00 மணி வரை இந்த போக்குவரத்து வழித்தடம் முற்றாக மூடப்படும் என கியூபெக் போக்குவரத்து அமைச்சு அதிகாரப்பூர்வமாக அறிவித்துள்ளது. குறித்த பாதையில் ஏற்கனவே மேற்கொள்ளப்பட்ட தார் இடும் பணிகள் (Paving job) மிகவும் தரம் குறைந்ததாகவும் மோசமானதாகவும் அமைந்திருந்ததாக குற்றம் சுமத்தப்பட்டுள்ளது.
இதனால் வீதிப் பாதுகாப்புக்கு அச்சுறுத்தல் ஏற்பட்டதை அடுத்து, தவறிழைத்த ஒப்பந்த நிறுவனமே தனது சொந்தப் பணத்தில் இப்பணியை மீண்டும் செய்ய வேண்டும் (Redo at their own expense) என, கியூபெக் அரசு உத்தரவிட்டுள்ளது.
இந்த நிலையில், அதனை ஒப்பந்தம் பெற்ற நிறுவனத்தின் சொந்தச் செலவிலேயே மீண்டும் முழுமையாகச் சீரமைப்பதற்காகவே இந்தப் பாதை வார இறுதியில் முழுமையாக மூடப்படவுள்ளது. வார இறுதி நாட்களில் மொன்றியால் நகருக்குள் பயணிப்போர் கடுமையான போக்குவரத்து நெரிசலை எதிர்கொள்ள நேரிடும் என்பதால், மாற்றுப் போக்குவரத்து ஏற்பாடுகள் அறிவிக்கப்பட்டுள்ளமை குறிப்பிடத்தக்கது.
