வெங்கி அட்லூரி இயக்கத்தில் சூர்யா, மமித்தா பைஜூ , ராதிகா சரத்குமார் ஆகியோர் முதன்மைப் கதாபாத்திரங்களில் நடித்துள்ள திரைப்படம்’விஸ்வநாத் அண்ட் சன்ஸ்’. சித்தாரா என்டர்டெயின்மென்ட்ஸ் மற்றும் ஃபார்ச்சூன் ஃபோர் சினிமாஸ் இணைந்து தயாரித்துள்ள இத்திரைப்படத்திற்கு ஜி.வி.பிரகாஷ்குமார் இசையமைத்துள்ளார்.
சமீபத்தில் இப்படத்தின் இசை வெளியீட்டு விழா விமரிசையாக நடைபெற்று ரசிகர்களின் வரவேற்பைப் பெற்ற நிலையில், படத்தின் டிரெய்லர் நாளை மறுநாள் (ஆகஸ்ட் 7) அதிகாரப்பூர்வமாக வெளியாகும் என படக்குழு அறிவித்துள்ளது.
இப்படத்தில் நாசர், சுதா, ரகு பாபு, சுனில் ரெட்டி, பவானி ஸ்ரீ, விவா ஹர்ஷா, காளி வெங்கட், ஜார்ஜ் மரியன், ஹைப்பர் ஆதி, ஸ்ரீஜா ரவி, சர்வதமன் பானர்ஜி, மேத்யூ வர்கீஸ், கல்யாணி நடராஜன், கராத்தே கார்த்திக் மற்றும் மாஸ்டர் சார்விக் எனப் பெரும் நட்சத்திரப் பட்டாளமே நடித்துள்ளனர். இளம் வயது பெண்ணான மமிதா பைஜு, தன்னைவிட வயது மூத்த சூர்யாவின் மீது காதல் கொள்வதையும், சூர்யாவின் தந்தையின் கதாபாத்திரத்தையும் மையமாகக் கொண்டு இப்படத்தின் கதைக்களம் உருவாக்கப்பட்டுள்ளது.
ரசிகர்களிடையே பெரும் எதிர்பார்ப்பை ஏற்படுத்தியுள்ள இத்திரைப்படம் வரும் ஆகஸ்ட் 14-ஆம் தேதி உலகம் முழுவதும் உள்ள திரையரங்குகளில் வெளியாக உள்ளது. டிரெய்லர் வெளியீட்டுத் தேதி அறிவிக்கப்பட்டதைத் தொடர்ந்து, சமூக வலைதளங்களில் ரசிகர்கள் தங்களது ஆர்வத்தை வெளிப்படுத்தி வருகின்றனர்.
