இலங்கைக்கான கியூபா தூதுவர் பட்ரீசியா லசாரா பெகோ குவேரா, நேற்று வியாழக்கிழமை யாழ்ப்பாணக் கோட்டைக்கு விஜயம் செய்து, அதன் வரலாற்றுப் பின்னணி, கட்டடக்கலைச் சிறப்புகள் மற்றும் சுற்றுலாத்துறை முக்கியத்துவம் தொடர்பில் பார்வையிட்டார்.
இதன்போது, யாழ்ப்பாணக் கோட்டையின் வரலாற்று மரபுகள், தொல்லியல் முக்கியத்துவம் மற்றும் வடமாகாணத்தின் சுற்றுலாத்துறை வளர்ச்சியில் அது வகிக்கும் பங்கு தொடர்பில் கவனம் செலுத்தப்பட்டது.
போர்த்துக்கேயர்களால் ஆரம்பத்தில் நிர்மாணிக்கப்பட்டு, பின்னர் ஒல்லாந்தர்களால் விரிவுபடுத்தப்பட்ட யாழ்ப்பாணக் கோட்டை, வடமாகாணத்தின் முக்கிய வரலாற்று அடையாளங்களில் ஒன்றாகத் திகழ்கிறது.
யாழ்ப்பாணத்தின் வரலாற்று மற்றும் பண்பாட்டு மரபுகளைப் பிரதிபலிக்கும் முக்கிய சுற்றுலாத் தலமாகவும் இந்தக் கோட்டை விளங்குகின்றமை குறிப்பிடத்தக்கது.
