பொதுபல சேனா அமைப்பின் பொதுச்செயலாளர் கலகொடஅத்தே ஞானசார தேரரை உடனடியாகக் கைது செய்து, நீதிமன்றத்தில் ஆஜர்படுத்துமாறு மேல்முறையீட்டு நீதிமன்றம் பிடியாணை உத்தரவு பிறப்பித்துள்ளது.
காவல்துறை மா அதிபர் ஊடாக உத்தரவை நடைமுறைப்படுத்தி, எதிர்வரும் ஒக்டோபர் முதலாம் திகதிக்கு முன்னர் ஞானசார தேரரை நீதிமன்றத்தில் ஆஜர்படுத்துமாறும் உத்தரவிடப்பட்டுள்ளது.
முன்னாள் ஜனாதிபதி மைத்திரிபால சிறிசேன வழங்கிய ஜனாதிபதி பொதுமன்னிப்பு சட்டவிரோதமானது என உயர் நீதிமன்றம் தீர்ப்பளித்ததைத் தொடர்ந்து, ஞானசார தேரருக்கு விதிக்கப்பட்ட சிறைத்தண்டனையை மீண்டும் அமுல்படுத்துமாறு சட்டமா அதிபர் தாக்கல் செய்த மனு இன்று விசாரணைக்கு எடுத்துக்கொள்ளப்பட்டது.
எனினும், ஞானசார தேரர் இன்று நீதிமன்றத்தில் ஆஜராகவில்லை. உடல்நலக்குறைவு காரணமாக அவர் ஓய்வெடுத்து வருவதாக அவரது சட்டத்தரணிகள் தெரிவித்த நிலையில், நீதிமன்றம் பிடியாணை உத்தரவைப் பிறப்பித்துள்ளது.
இதையடுத்து, ஞானசார தேரரைக் கைது செய்வதற்கான நடவடிக்கைகளை பொலிஸார் முன்னெடுத்து வருகின்றனர்.
